Ош мамлекеттик университетинин 60 жылдык юбилейине карата окуу жайдын жаштар комитетининин «Брейн-ринг» интеллектуалдык студенттердин акыл таймашы өткөрүлдү.

Таймаш үч турдан туруп, катышуучулар окуу жайдын тарыхы, саясаты, ишмердүүлүгү жөнүндөгү суроолорго жооп издешти. Иш-чарага окуу жайдын факультеттеринен жалпы 15 команда катышты.

Иш-чаранын ачылышында ОшМУнун илимий иштери боюнча проректору Таасилкан Жумабаева «Мындай таймаштарды өткөрүү менен биз, жаштар арасында көп нерсени билүүгө кызыгуу жаратып, билим алууга умтулууну күчөтөбүз. Билим сапатын көтөрүүчү өбөлгөлөр ар түрдүү багытта ишке ашырылышы керек. Бул таймашка катышкан студенттер изденди, окуду. Бул бардыгыңардын жеңишиңер», - деди.